Ce site présente les études, réflexions et publications du "Collectif novembre pour la souveraineté nationale, une économie autocentrée et le socialisme." L'ordre des objectifs est notre ordre de priorité.

Algérie Politique, Algérie questions culturelles., Géostratégie, Questions internationales.

Asdawan Ahmed Bensaada yeɣra-d i usegrer azerfan n tiẓraf n Tuddsiwin Tiwernabaḍin

Asdawan Ahmed Bensaada yeɣra-d i usegrer azerfan n tiẓraf n Tuddsiwin Tiwernabaḍin

LEZZAYER  TAMANEƔT – Asdawan asellaḍ n tsertit azzayri, Ahmed Bensaada yeɣra-d i usegrer azerfan n tiẓraf tiwardaniyin n Tuddsiwin Tiwernabaḍin (ONG), ara yeddun deg ubriḍ n ugdal-nsen, ladɣa tiẓraf yettekkin deg tmesbaniyin deg Lezzayer.

Aduktur Bensaada, yellan daɣen d amnadi deg teɣult n yimussuten iɣerfanen, akka yefka tuttra, deg yiwet n tdiwennit i as-tga Tnegga n Yisalan n Lezzayer, « ma yessefk ad neg isuḍaf i usegrer, asefqed neɣ dɣa agdal n tiẓraf tiwerdaniyin n Tuddsiwin Tiwernabaḍin deg Lezzayer », yettwali dakken d « taneqqiḍt iɣef yessefk ad nedlu sya d afella ».

« Deg Lezzayer, mennaw n Tuddsiwin Tiwernabaḍin tidiganin i d-ssiẓrifent tuddsiwin timarikaniyin banent-d aṭas deg tmesbaniyin, ama deg useggas n 2011 neɣ deg Umussu n lḥirak, deg yiseggasen n 2019 akked 2020 », i d-yenna, yesseddi-d dakken annar n yirmuden n Tuddsiwin Tiwernabaḍin sgerwent « izerfan n Umdan, ilemẓiyen, tiwaculin n yettbeḥren atg ».

« Deg tnekriwin tiɣerfanin, imeɣnasen-a srusun iman-nsen deg yizirig amezwaru n tmesbaniyin tteɛraḍen ad tent-sseddun ɣef wahilen i d-gan beṛṛa n tmurt », i d-yenna daɣen uduktur Bensaada, d ameskar n mennaw n yidlisen akked yimagraden deg twala yemgarden akked yismal iliktrunanen.

Yerna yenna-d dakken asmahel n tuddsiwin-a yefka-d ttbut n tmellilt n « soft power » amriki deg « Tegrawliwin yettwaseɣmen » (Serbya, Géorgie neɣ Ukran) akked deg « Tefsut taɛrabt » deg Tunes, Maṣer, Libya, Surya akked Yaman, yebder-d deg usentel-a udmawen i ɣeḍmen imussuyen iɣerfanen deg tmura-a.

Source : http://www.aps.dz/tamazight-tal/algerie/66902-asdawan-ahmed-bensaada-ye-ra-d-i-usegrer-azerfan-n-ti-raf-n-tuddsiwin-tiwernaba-in?fbclid=IwAR2-4lah_eXKxY5_4FgyUh_QCs_aLBuriJSW3eL5WK9Z6ldkKG9hgr_mDQg

Leave a Reply